Riddle 16

Verse Indeterminate Saxon

Oft ic sceal wiþ wæge winnan         ond wiþ winde feohtan,
somod wið þam sæcce,         þonne ic secan gewite
eorþan yþum þeaht;         me biþ se eþel fremde.
Ic beom strong þæs gewinnes,         gif ic stille weorþe;

5

gif me þæs tosæleð,         hi beoð swiþran þonne ic,
ond mec slitende         sona flymað,
willað oþfergan         þæt ic friþian sceal.
Ic him þæt forstonde,         gif min steort þolað
ond mec stiþne wiþ         stanas moton

10

fæste gehabban.         Frige hwæt ic hatte.