Riddle 2

Verse Indeterminate Saxon

Hwilum ic gewite,         swa ne wenaþ men,
under yþa geþræc         eorþan secan,
garsecges grund.         Gifen biþ gewreged,
fam gewealcen;        
5
hwælmere hlimmeð,         hlude grimmeð,
streamas staþu beatað,         stundum weorpaþ
on stealc hleoþa         stane ond sonde,
ware ond wæge,         þonne ic winnende,
holmmægne biþeaht,         hrusan styrge,
10
side sægrundas.         Sundhelme ne mæg
losian ær mec læte         se þe min latteow bið
on siþa gehwam.         Saga, þoncol mon,
hwa mec bregde         of brimes fæþmum,
þonne streamas eft         stille weorþað,
15
yþa geþwære,         þe mec ær wrugon.