Riddle 49

Verse Indeterminate Saxon

Ic wat eardfæstne         anne standan,
deafne, dumban,         se oft dæges swilgeð
þurh gopes hond         gifrum lacum.
Hwilum on þam wicum         se wonna þegn,

5

sweart ond saloneb,         sendeð oþre
under goman him         golde dyrran,
þa æþelingas         oft wilniað,
cyningas ond cwene.         Ic þæt cyn nu gen
nemnan ne wille,         þe him to nytte swa

10

ond to dugþum doþ         þæt se dumba her,
eorp unwita,         ær forswilgeð.