Riddle 81

Verse Indeterminate Saxon

Ic eom byledbreost,         belcedsweora,
heafod hæbbe         ond heane steort,
eagan ond earan         ond ænne foot,
hrycg ond heardnebb,         hneccan steapne

5

ond sidan twa,         sag on middum,
eard ofer ældum.         Aglac dreoge,
þær mec wegeð         se þe wudu hrereð,
ond mec stondende         streamas beatað,
hægl se hearda,         ond hrim þeceð,

10

...orst ...eoseð,         ond fealleð snaw
on þyrelwombne,         ond ic þæt ...ol...
mæ...         wonsceaft mine.