Riddle 91

Verse Indeterminate Saxon

Min heafod is         homere geþuren,
searopila wund,         sworfen feole.
Oft ic begine         þæt me ongean sticað,
þonne ic hnitan sceal,         hringum gyrded,

5

hearde wið heardum,         hindan þyrel,
forð ascufan         þæt mines frean
mod freoþað         middelnihtum.
Hwilum ic under bæc         bregde nebbe,
hyrde þæs hordes,         þonne min hlaford wile

10

lafe þicgan         þara þe he of life het
wælcræfte awrecan         willum sinum.