The Paris Psalter: Psalm 130

Verse Indeterminate Saxon

Nis min heorte wið þe         ahafen, drihten,
ne mine eagan wið þe         on oferhygde.
Ne ic on mægene         miclum gange
ne wundur ofer me         wuniað ænig.
5
Ac ic mid eaðmedum         eall geþafige;
is min sawl on ðon         swyþe gefeonde.
Swa man æt meder         bið miclum feded,
swa þu minre sawle         symble gyldest.
Israhelas on drihten         a getreowigen
10
of ðyssum nu         awa to worulde.