The Paris Psalter: Psalm 133

Verse Indeterminate Saxon

Efne bletsien nu         bliðe drihten
ealle his agene         onbyhtscealcas.
Ge þe on godes huse         gearwe standað,
and on cafertunum         Cristes huses
5
ures þæs halgan godes         held begangað.
Hebbað neodlice         nihta gehwylcere
eowre handa         on halig lof
and bletsiað         balde drihten.
Ge bletsige         bliðe drihten
10
of Sionbeorge         symble æt þearfe,
se þe heofon worhte,         hrusan swylce.