The Paris Psalter: Psalm 99

Verse Indeterminate Saxon

Nu ge mycle gefean         mihtigum drihtne
eall þeos eorðe         elne hyre,
and blisse gode         bealde þeowie.
Gangað on ansyne         ealle bliðe;

5

witað wislice         þæt he is wealdend god;
he us geworhte         and we his syndon.
We his folc syndan         and his fæle sceap,
ða he on his edisce         ealle afedde;
gað nu on his doru,         god andettað,

10

and hine weorðiað         on wictunum
mid lofsangum         lustum myclum.
Heriað naman drihtnes,         forþon he is niðum swæs;
is þin milde mod         ofer manna bearn.